16.02.2019

9 «Б» гульня-віктарына “Люблю Беларусь”.

У кожнага чалавека ёсць Радзіма, і кожны любіць яе. Любіць месца, дзе нарадзіўся і жыве. Любіць родную прыроду, свой народ. Любіць сваю краіну немагчыма, калі не ведаеш, чым яна жыла, як жыве зараз, да чаго імкнецца. Вывучаць, пазнаваць, разумець сваю зямлю, яе народ, бадай, самая галоўная задача. Таму 16 лютага для вучняў 9 «Б» класаў (класны кіраўнік Дарашэнка А.У.) прайшла гульня-віктарына “Люблю Беларусь”.

Мэта дадзенага мерапрыемства: садзейнічаць развіццю цікавасці да гісторыі, традыцый і культуры нашай Радзімы, да яе сучаснага жыцця; развіваць эстэтычны густ, маўленне і творчае мысленне вучняў; выхоўваць любоў і павагу да беларускай літаратурнай і культурнай спадчыны.

Гульня ўключала ў сябе наступныя катэгорыі: “Дзяржава і яе сімвалы”, “Культурная спадчына”, “Песняры”, “У свеце народных традыцый”, “Крок у будучае”, “Зямля пад белымі крыламі”.

Напрыканцы мерапрыемства прагучала пажаданне вучням вырасці дастойнымі людзьмі, любіць і берагчы свой родны куток – нашу Беларусь, а песня А.Ланской “Куточак Беларусі” нікога не пакінула абыякавым.