16.02.2015
- 21.02 - Неделя белорусского языка (средняя и старшая школа)
ФОТОАЛЬБОМ
Кінь саромецца мовы сваёй,
Зваць сябе беларусам пачні!
М. Чарот
Неўдах Ілля, 7А | | Не ведае межаў краса Галоўнае, што зразумеў я ў жыцці: Не ведае краса мяжы. І колькі б не прайшло гадоў, Пераканаўся ў гэтым зноў. Краса бабулі ці дзяўчыны, Ці дрэва тонкія галіны. Не мае меры прыгажосць, Яна ў кожнага з нас ёсць. Хай гавораць, што ёсць каноны! Не заганяй душу ў загоны! Не скоўвай сваё ты сэрца, Хай з кожным разам хутчэй б’ецца. Нямнога важыць знешняя краса, Пройдзе юнацтва паласа. І ўсвядоміш ты тады Каштоўнае душы плады! Углік Поліна, 11 «А» | | Округ Анастасія, 10Б | | Матчыны рукі нас падымаюць… Матчыны рукі нас падымаюць, Матчыны вочы пяшчоту нясуць, Матчына сэрца цяплом сагравае, Матчыны песні з калыскі вядуць. Матчыны словы лечаць ад болю, Матчына ласка бяду адвядзе, Малітва матулі як сімвал пакою У складаным жыцці яе родных дзяцей. І трэба маліцца і дзякаваць Богу, За нашых матуль і за іх цеплыню, Часцей успамінаць, прыязджаць да матулі, Каб бачыць усмешку яе наяве. Савіч Дар’я, 7 «А» |
|
Матулі Дзякуй табе, дарагая матуля, За тое, што побач са мною ідзеш, Што песціш і ласкай сваёю галубіш, Што маеш найлепшае, усе аддаеш. І ночы бяссонныя, і цяжкія будні Цябе не марылі – у турботах заўжды. Ты нам аддавала найлепшыя годы, Каб дзеці ў шчасці і ласцы раслі. Дзякуй за ўсё табе, дарагая, І нізкі прымі паклон да зямлі. Шкада, што не знойдеш на свеце багацця, Якім бы матулі аддзячыць змаглі. Савіч Дар’я, 7 «А» | | Болотнік Вікторыя, 8 «В» |
Пад такім дэвізам у нашай школе з 16 па 21 лютага 2015 г. прайшоў Тыдзень беларускай мовы і літаратуры. Першым, што зрабілі вучні са сваімі настаўнікамі, - гэта аформілі выставу “Я люблю Беларусь!”.
Урачыстае адкрыццё Тыдня адбылося ў 14.00 у актавай зале школы. На лінейку былі запрошаны вучні 6-8 класаў. Перад імі з літаратурна-музычнай кампазіцыяй “Беларусь – краіна маёй будучыні” выступілі самыя актыўныя вучні з 7 “А” класа.
Далей эстафету падхапілі вучні 5 “Б” і 5 “В” класаў, з якімі настаўнікі Станкевіч Н.М., Тамільчык Т.А., вучні з 9“Г”, 8“Г” класаў правялі конкурсную праграму “Зямля бацькоў – мая зямля!”. Пераможцамі выйшлі знаўцы роднага краю 5 “Б” класа.
ФЭСТ “Я люблю Беларусь!” 17 лютага з вучнямі 6-ых класаў правялі Васюковіч Ж.Л. і Дара-шэнка А.У. Капітанамі каманд былі будучыя выпускнікі – Рамасюк Ілья і Шульжык Яўгеній. Цудоўны настрой прысутным забяспечыла фіналістка рэспубліканскага конкурсу “Поющие города” Якімюк Уладзіслава, у выкананні якой прагучалі розныя беларускія песні.
У гэты ж дзень 46 вучняў правяралі свае веды на школьнай алімпіядзе па беларускай мове і літаратуры. Пераможцы з 7-8 класаў будуць удзельнічаць у гарадской алімпіядзе, якая адбудзецца ў сакавіку.
Вучні 8 “Д” класа і класны кіраўнік Антаноўская А.П. наведалі цудоўны Музей маці, які адчыніў свае дзверы на базе ДУА “Сярэдняя школа №18 г.Пінска” яшчэ ў 2008г. Загадчыца музея Гузарэвіч А.А., настаўнік гісторыі, на працягу ўрока знаёміла з прадстаўленымі экспанатамі, расказвала пра маці славутых людзей Беларусі і нашай Піншчыны.
Цікавай была і аўтобусная экскурсія ў музей Я. Коласа, якая была арганізавана 19 лютага. Музей знаходзіцца ў вёсцы Пінкавічы Пінскага раёна. Там пабывалі вучні 8-9 класаў са сваімі настаўнікамі.
У пятніцу, 20 лютага, Богдан У.К. з вучнямі 6 “А” класа правяла цікавае і незабыўнае падарожжа з элементамі гульні-віктарыны“Наша Радзіма – Беларусь”. Дзеці ведаюць свой родны край і робяць усё для таго, каб зберагчы мілагучнае беларускае слова і захаваць прыгажосць Беларусі.
21 лютага мы адзначылі Міжнародны дзень роднай мовы. Да гэтага свята быў прымеркаваны конкурс відэаролікаў “Якая яна, наша беларуская мова?”. У конкурсе прынялі ўдзел вучні 7 “В” класа, Макоўчык Вольга і Макарэвіч Дзіяна з 9 “А” класа і вучань 5 “В” Агіевіч Клім. У галасаванні за лепшы відэаролік прынялі ўдзел не толькі члены журы, але і ўсе прысутныя ў зале. У выніку 1 месца з адрывам на 1 бал заваявала каманда 7 “В”, 2 – Агіевіч Клім, а 3 – вучаніцы 9 “А”.
Завяршыўся Тыдзень абрадавым святам “А ў нас Грамніцы”, які паказалі ўдзельнікі школьнага гуртка “Спадчына”. Калядны і Веснавы гурты сустрэліся на сцэне, спявалі калядныя і веснавыя песні, запальвалі грамнічныя свечкі, вадзілі танец “Калавод” і танцавалі з дзеркачом. Не засталіся абыякавымі да танцаў і прысутныя.
Кіраўнік метадычнага аб’яднання настаўнікаў беларускай мовы і літаратуры
А. П. Антаноўская
Цікавым было падарожжа з элементамі гульні-віктарыны “Наша Радзіма—Беларусь” у 6 “А” класе. Вучні добра падрыхтаваліся да гэтага мерапрыемства. На шасці прыпынках нашы аднакласнікі бліжэй пазнаёмі-ліся з гісторыяй роднага краю, складалі прыказкі, адгадвалі загадкі. Хлопчыкі і дзяўчынкі паспрабавалі сябе ў перакладчыцкай дзейнасці, пазнаёміліся з архітэктурнымі помні-камі Беларусі. Не абышлося на нашым свяце і без беларускай народнай гульні “Бульба”, прогучала таксама і песня “Жураўлі на Палессе ляцяць”.
Пяшчотныя гукі роднай мовы ліліся з вуснаў нашых равеснікаў. Свята сапраўды ўдалося!
Ліда Падвяцельская, Ганна Палюховіч,
6 “А” клас